Сиз алаһидә яритилған!

29 Июнь 2015

Сиз алаһидә яритилған!

Мүмкин сиз һазир яман иш қилип жүрисиз, бирақ сизни Худа йеңичә яратқан адәм дәп ишәнсиңиз, сиз өзгирисиз. Өзиңизгә: «Худаға шүкри, чүнки У мени алаһидә қилип яратти. У мени таллавалди. Мән – Худаниң талланған балиси. Рәбим мени қурванлиқ қан билән тазилиди. У барлиқ хаталиғимни кәчүриду! Мән муқәддәс вә гуна қилмаймән. Әлвәттә, мән хаталишимән, амма Худаниң ярдими арқилиқ өзгирип, дурус ишларни қилимән», – дәп ейтиң.

Худа сизни яхши көридиғиниға ишәшлик болсиңиз, сиз үчүн йешәлмәйдиған қийинчилиқ болмайду! Сиз қандақла болмисун қийинчилиқ үстидин ғалибийәт қазинисиз.

Ғалибийәтлик болғуңиз келәмду? Әнди ойлинип көрүң: қийинчилиқ тартмай туруп, һәр қандақ тосалғулардин өтмәй туруп, ғалибийәт қазиниш мүмкинму? Қийинчилиқларни йеңип чиқишниң өзи – роһаний өсүшниң ялғуз амали болиду. Әгәр сиз һеч бир қийинчилиқ тартмисиңиз, сизгә ишәнчиниң немә кериги бар? Қийинчилиқни өзиңизниң роһаний өсүп, йетилишиңиз үчүн пайдилиниң. Бундақ амални сизни сөйгүчи Худа сизгә бериду.

Мабада сиз Худаға өзиңизни сөйгүзүп, өзиңизму Уни сөйидиған болсиңиз, Униң меһир-муһәббити сизни шунчә роһаний һаләттә мәст қилидуки, өз мәхситиңизгә йетиш үчүн барлиқ қийинчилиқларни йеңип чиқидиған болисиз. Уларни Худа муһәббити арқилиқ йеңисиз.

Муқәддәс Роһқа чөмүлгәндин кейин, мән бир айға йеқин өзәмни Худа муһәббити билән мәст болғандәк сезип жүрдүм. Мәндин: «Немә болдиң? Сән шундақ өзгәрдиң. Буниңға ишиниш қийин, Джойс, саңа бир нәрсә болғандәк?» – дәп сориғанлар болди. Вақит өтүп барсиму улар йәнә соришатти: «Саңа немә болди?»

Өзәмниң өзгәргинимни испатлашниң кериги йоқти, чүнки у көринип туратти. Худа муһәббитигә ишәшлик болғанда, сизниң үзиңиздин күлкә кәтмәйду. Сиз йеңидин күч-қувәткә толуп, адәмләрниң көз алдидила яхшилинип кетисиз. Муқәддәс Роһ сизни шунчә «қизитидуки», сиздә башқа адәмләр үчүн хизмәт қилиш имканийити пәйда болуп, уларниң барлиқ муһтаҗлиғидин чиқалайдиған болисиз.

Пикирләр...

Пикир қалдурмиған

Пикриңизни қалдуруң ...

Article Мақалә архиви

Сиз алаһидә яритилған!